Find Your Hotel in Nunavik
ᑕᑯᓐᓇᖑᐊᒋᑦ ᓄᓇᒥᒃ…
France-ᐊᖏᓂᖃᑎᖓᓂᒃ, ᐊᕐᖁᑎᑯᑖᖃᑦᔭᖏᑦᑐᒥᒃ, ᓂᐅᕕᕐᕕᐊᓗᖃᖕᖏᑐᒥᒃ ᐳᕐᑐᔪᐊᓗᓐᓂᒃ ᓴᓇᒪᔪᖃᖕᖏᑐᒥᓪᓗᓃᑦ. ᓄᓇᓕᐊᐲᑦ 14 ᑭᓯᒥ, ᓄᓇᓕᓕᖏᑦ 15,000-ᐅᖏᑐᓪᓘᓃᑦ. ᓄᓇᖅ ᐊᖏᕐᕋᒋᔭᐅᑦᓱᓂ ᐃᓗᕐᖁᓯᓕᑐᖃᐅᓂᕐᐸᐅᖃᑕᐅᔪᓄᑦ ᓄᓇᕐᔪᐊᓕᒫᒥ, ᐃᓄᐃᑦ, ᐃᓅᑦᓱᑎᑦ ᓄᓇᒥ ᑕᐸᓇᖏᓂᕐᐹᖑᖃᑕᐅᔪᒥᒃ ᓄᓇᐃᓐᓂᑦ.
ᑕᓐᓇᑕᒐ ᐊᕕᑦᑐᓯᒪᔪᖅ ᓄᓇᕕᒃ, ᑯᐁᒃ ᑕᕐᖃᖓᓃ, ᑳᓇᑕᒥ, ᑫᕙᓪᓚᒍᓰᓐᓂᒃ ᒪᕐᕈᐃᓈᐲᓐᓂᒃ ᐅᖓᓰᓐᓂᓕᒃ ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ ᒪᓐᑐᐃᔮᒥᑦ.
ᐅᑭᐅᒃᑯᑦ, ᑕᑦᓱᒪ ᓄᓇᐅᑉ ᐃᒻᒧᐊᓂ, ᐱᐅᔪᐊᓗᐃᑦ ᐊᕐᓴᓃᑦ ᓄᐃᑕᓲᒍᕗᑦ, ᓄᓇᓗ ᓲᕐᓗ ᖃᑯᕐᑕᒥᒃ ᕿᐱᑦᓯᒪᔪᖅ, ᐱᒍᑦᔨᔪᖅ ᐊᕐᖁᑎᑐᖃᕐᒥᒃ, ᐃᓄᐃᑦ ᐃᖏᕐᕋᓲᖑᒻᒪᑕ ᕿᒧᑦᓯᑯᑦ ᐅᕝᕙᓘᓐᓃᑦ ᓯᑮᑐᒃᑯᑦ. ᐅᐱᕐᖔᖅ, ᓄᓇᕕᒃ ᑕᑕᓲᒍᕗᖅ ᐃᓅᓯᓕᕐᓄᑦ - ᓇᓄᐃᑦ ᐱᓲᒐᕐᑐᑦ, ᑐᒃᑐᐃᑦ ᐊᐅᓚᔪᑦ, ᑎᖕᒥᐊᑦ ᒪᓐᓂᖏᓪᓗ ᐅᓚᐱᑦᑕᐅᖏᑦᑐᑦ, ᐱᕈᕐᓯᐊᑦ ᓇᑎᐅᔮᕐᑐᑦ ᓄᓇᒥᒃ, ᑲᖏᕐᓱᐃᑦ ᑰᓪᓗ ᐃᓯᐅᕋᓕᑦᑖᓄᑦ, ᐃᖃᓗᑉᐱᓄᑦ, ᓵᒪᓄᓪᓗ ᑕᑕᑦᑐᑦ
ᐃᓱᒪᒋᑦ ᐅᕐᖂᔪᐊᐱᓐᓂᒃ ᐅᓪᓗᓂ, ᐊᒻᒪ ᕿᐱᕐᓯᒪᓪᓗᑎᑦ ᐅᓐᓄᓂᑦ ᓂᓪᓚᓱᑦᑐᓂᒃᑦ. ᖃᕐᖃᑯᑖᑦ, ᓄᓈᐱᒃ ᐊᐅᓚᔪᐃᑦᑐᖅ, ᑭᓯᒐᑦᓴᐅᖏᑦᑐᐃᓗ ᑕᓯᒐᓴᕐᔪᐊᑦ (ᖃᑦᓯᓚᒋᐅᖕᒪᖔᑕ ᖃᐅᔨᒪᔭᐅᒐᑕᖕᖏᑐᖅ). ᑭᒡᒐᑐᐃᔩᓪᓕ? ᑐᖕᖓᓇᕐᓂᐸᐅᖃᑕᐅᔪᑦ ᓂᓪᓕᕋᔪᐃᑦᑐᑦ ᐃᔪᒍᐊᕐᑑᓱᑎᓗ ᐃᓄᑲᓪᓓᑦ.
