ᐱᒋᐊᕐᓂᓕᐅᑎ
La Fédération des Coopératives du Nouveau-Québec ᐃᓚᒌᓴᖅ ᑲᒪᒋᐊᓕᒃ ᑲᕙᒪᑐᖃᒃᑯᓗ ᑯᐯᒃᑯᓗ ᑲᕙᒪᖓᑕ ᓇᐅᑐᐃᓐᓇᓄᑦ ᖃᐅᔨᔭᐅᑎᒋᐊᖃᓐᖏᑐᓂᒃ ᐱᖁᔭᓕᐊᒍᓯᒪᔪᒥᒃ, ᐃᓚᐅᑎᓪᓗᒍ ᐃᓄᒻᒧᐊᖓᔪᓂᒃ ᓇᒻᒥᓂᖏᓐᓄᑦ ᐃᓕᖓᔪᓂᒃ ᓴᐳᑦᔨᓂᕐᒥᒃ ᐊᒻᒪᓗ ᐃᑯᒪᐅᑎᒨᕐᑐᑎᒍᑦ ᖃᕆᑕᐅᔭᓂ ᐊᓪᓚᖁᑎᓂᒃ ᐱᖁᔭᖅ (PIPEDA) ᐊᒻᒪᓗ ᑯᐯᒃ ᐱᖁᔭᖓ ᐃᓱᒪᒋᔭᐅᑎᓪᓗᒋᑦ ᓴᐳᑦᔭᐅᒋᐊᖃᕐᓂᖏᑦ ᐃᓄᒻᒧᐊᖓᔪᑦ ᓇᒻᒥᓂᖏᓐᓄᑦ ᖃᐅᔨᒪᔭᐅᒍᑎᖏᑦ ᑌᒃᑯᓇᓂ ᓇᒻᒥᓂᖃᕐᕕᐅᔪᓂ (Bill 25). ᐃᓚᒌᓴᖅ ᑲᒪᕗᖅ ᑕᒣᑎᒍ ᑕᒪᒃᑯᓂᖓ ᐃᓕᖓᔪᓂᒃ ᐃᕐᐸᑎᒋᐊᖃᓐᖏᑐᓂᒃ ᐱᓐᖑᐊᕈᑎᒋᑦᔭᓇᒍ ᐊᒻᒪᓗ ᒪᓕᒐᖃᕐᑐᖅ ᐊᒻᒪᓗ ᐱᐅᓯᑦᓴᓕᐊᒍᓯᒪᔪᓂᒃ ᐱᖃᕐᓱᓂ ᒪᓕᒋᐊᓕᓐᓂᒃ ᑕᒪᒃᑯᓂᖓ ᐱᖁᔭᕐᓂᒃ.
ᓱᓇᓂᒃ ᖃᐅᔨᒪᒋᐊᓕᓐᓂᒃ ᑲᑎᕐᓱᐃᕙᑉᐱᑕ?
ᐃᓚᒌᓴᖅ ᑲᑎᕐᓱᐃᓲᖅ ᖃᐅᔨᒪᔭᐅᒋᐊᓕᓐᓂᒃ ᑌᑲᓂ ᖃᕆᑕᐅᔭᓂ ᐅᓂᒃᑳᓯᐅᒐᕐᓂ ᒪᕐᕉᓕᖓᔪᒥᒃ:
- ᑐᕃᓐᓇᑐᒥᒃ: ᑐᓂᔨᒐᕕᑦ ᖃᐅᔨᒪᔭᐅᑎᒋᐊᓕᓐᓂᒃ ᐱᑦᑕᖃᑦᑕᕈᒪᓗᑎᑦ ᑐᒐᑦᓴᓕᐊᑦᑎᓂᒃ ᐅᒃᕙᓗᓘᓐᓃᑦ ᐊᓪᓚᕕᖃᕋᕕᑦ ᐊᓯᖏᓐᓂᒃ ᓯᑯᑦᓴᔭᓂᒃ ᑌᑲᓂ ᓄᐃᑕᔨᐊᑦᑎᓂ ᖃᕆᑕᐅᔭᑎᒍᑦ.
- ᑐᕃᓐᓇᖏᑦᑐᒥᒃ: ᕿᒥᕐᕈᒋᐊᖃᑦᑕᕈᕕᑦ ᓄᐃᑕᑎᑕᑦᑎᓄᑦ ᖃᕆᑕᐅᔭᓂ ᑕᒐ ᑕᑯᒋᐊᖃᑦᑕᓗᒍ, ᑕᒪᓐᓇᓗ ᐃᓕᖓᑎᑕᐅᒍᓐᓇᔭᖏᑦᑐᖅ ᓇᓪᓕᐊᓄᑐᐃᓐᓇᖅ ᐃᓄᒻᒧᑦ ᑭᓇᐅᓂᖓᓂᒃ. ᑕᒪᓐᓇ ᖃᐅᔨᒪᐅᑎᓄᑦ ᓴᓂᕐᕙᐅᖃᕐᑕᖅ ᐊᒻᒪᓗ ᐊᑐᕐᑕᐅᓱᓂ ᖃᕆᑕᐅᔭᓂ ᐊᒻᒪᓗ ᓈᓴᐅᑎᓄᑦ ᐃᓕᖓᔪᓂᒃ. ᑐᑭᓯᒍᑎᒋᓂᐊᕋᑦᑎᒍ ᐅᓄᕐᓂᖏᓐᓂᒃ ᑕᑯᒋᐊᖃᑦᑕᑐᐃᑦ, ᑕᑯᒐᓱᐊᕐᑕᐅᖃᑦᑕᓂᕐᐹᓂᒃ, ᖃᕆᑕᐅᔭᓂᒃ ᐊᑐᕐᑕᐅᔪᓂᒃ ᑕᑯᒐᓱᐊᕐᑐᓄᑦ, ᐅᓇᐅᒻᒥᔪᕐᓗ ᑕᑯᒐᑦᓴᖅ ᐅᓐᓂᑐᐃᒍᑕᐅᔪᓂᒃ, ᐊᒻᒪᓗ ᑕᑯᒋᐊᕐᑐᖅ ᓇᑭᑦ ᓄᓇᓕᕐᔪᐊᒥᑦ ᐱᒻᒪᖔᑦ. ᑕᒪᒃᑯᐊ ᖃᐅᔨᔭᐅᔪᐃᑦ ᐃᒣᑦᑐᑕᖃᕐᒥᔪᐃᑦ:
- ᖃᕆᑕᐅᔭᕈᑎᓂᑦ ᓇᓪᓕᐊᓂᑦ ᐊᑐᕐᒪᖔᕐᐱᑦ;
- IP ᒍᓂᕋᕐᑕᒥ ᑐᕌᕈᑎᑎᑦ;
- ᖃᓄᐃᑦᑐᓂᒃ ᐱᒻᒪᖔᑕ (Chrome, Firefox, etc.) ᐊᐅᓚᑦᓯᒍᑎᖏᓐᓂᓗ (Windows, Mac OS, ᐊᓯᖃᕐᒥᐸᑕᓗ) ᐊᑐᕐᑕᐅᒪᖔᑦ;
- ᐅᓪᓗᖓᓗ ᐃᑲᐅᕐᓂᖓᓗ ᑕᑯᒐᓱᐊᕐᕕᐱᑦ;
- ᑕᑯᒐᓱᐊᓕᓂᑎᓪᓗ;
- ᑕᑯᒋᐊᖃᑦᓴᐅᒥᔪᐃᓪᓗ ᓄᐃᑕᐅᔪᑦ ᑐᕌᕈᑎᖏᑦᑕ, ᐊᑐᑐᐊᕈᕕᑦ ᐃᓚᒌᓴᐅᑉ ᐅᓂᒃᑳᓯᐅᒐᖏᓐᓂᒃ ᓄᐃᑕᔨᐊᓂᒃ ᐊᓯᐊᓂᑦ ᓄᐃᑕᑎᑕᕐᓂᑦ.
ᓱᒧᑦ ᐊᑐᕐᐸᕗᑦ ᑕᒪᒃᑯᐊ ᐊᑐᕐᓂᕆᖃᑦᑕᑕᑎᑦ?
ᑕᒪᒃᑯᐊ ᖃᐅᔨᒪᐅᑎᐅᔪᑦ ᑐᓂᔭᑎᑦ ᐊᑐᕐᑕᐅᒍᓐᓇᑐᑦ ᒪᑯᓄᖓ:
- ᐱᐅᓯᒋᐊᕈᑎᓂᒃ ᓴᓇᒋᐊᑦᓯᐊᓂᕐᒧᑦ ᓄᐃᑕᔨᐊᑦᑎᓂᒃ ᐅᓂᒃᑳᓯᐅᒐᕐᓂᒃ ᐊᑐᐃᓐᓇᐅᑎᑕᑦᑎᓄᑦ;
- ᐊᐅᓪᓚᑎᑦᓯᖃᑦᑕᓂᕐᒧᑦ ᓇᓪᓕᐅᑎᑦᑕᑐᒃᑯᑦ ᐊᓪᓚᑲᑦᑕᐅᑎᕕᑎᒍᑦ ᖃᕆᑕᐅᔭᓂ;
- ᐃᓕᓐᓄᐊᖓᑎᓪᓗᒍ ᐊᑑᑎᔭᑎᑦ ᑭᐅᔭᐅᓗᑎᑦ ᑭᓐᖒᒪᑦᓯᐅᑎᓐᓂᒃ;
- ᐱᑎᑕᐅᓗᑎᑦ ᖃᐅᔨᒍᒪᔭᕐᓂᒃ ᐱᑦᓴᓯᕕᑦᓴᓂᓪᓗ ᕿᓄᐊᕆᓯᒪᔭᕐᓂᒃ;
- ᐱᐅᓯᐅᒥᑎᑦᓯᒋᐊᕈᑎᓂᒃ ᐋᒃᕿᒋᐊᑦᓯᐊᓗᒍ ᑭᒡᒐᓕᕋᕐᑕᐅᔪᓕᕆᓂᖅ ᐱᔨᑦᓯᕕᒃ;
- ᓯᕗᓕᐅᕐᓯᒪᓗᒋᑦ ᐃᓂᕐᑎᕆᐅᑕᐅᓯᒪᔪᐃᑦ ᐊᒻᒪᓘᓐᓃᑦ ᐱᖁᔭᕐᓂᒃ ᓱᕃᔪᑦ ᐱᓂᐊᕐᓃᑦ ᑲᑉᐲᑯᑌᑦ ᐱᑦᔪᑕᐅᑎᓪᓗᒋᑦ.
ᖃᓄᐃᓕᐅᕐᓗᑕ ᐅᖑᒪᓂᐊᕐᑐᒍᑦ ᐃᓕᓐᓄᐊᖓᔪᓂᒃ ?
ᐃᓄᒻᒧᐊᖓᔪᑦ ᑲᑎᕐᓱᐊᕗᑦ ᓴᓂᕐᕙᓯᒪᔭᐅᓲᑦ ᑲᑉᐲᑯᓯᕐᓯᒪᔪᒦᑦᓱᑎᒃ. ᐃᓄᐃᑦ ᐱᓇᓱᒃᕕᓖᑦ ᐅᕙᑦᑎᓂᒃ ᑲᒪᖁᔭᐅᕗᑦ ᓲᓱᒋᓗᒍ ᑖᓐᓇ ᐃᕐᐸᑐᑦᓴᐅᖏᑦᑐᐃᑦ ᐱᑦᓱᒋᑦ ᐃᓕᓐᓄᐊᖓᔪᐃᑦ.
ᖁᓚᕐᓇᖏᑦᑐᑯᑦ ᑲᑉᐲᑯᑕᖏᑦ ᐃᓕᓐᓄᐊᖓᔪᐃᑦ ᓇᒻᒥᓂᕐᓄᑦ, ᐊᑐᕐᐳᒍᑦ ᒪᑯᓂᖓ ᐃᑯᒪᐅᑎᒨᕐᑐᓂᒃ ᐊᒻᒪᓗ ᐃᑯᒪᐅᑎᒨᑦᔭᖏᑦᑐᓂᒃ :
- ᓇᓗᓀᒃᑯᑕᓐᖑᑎᑦᓱᒋᑦ ᑐᓴᕈᑎᓂ ᐊᑐᕐᓱᒍ TLS ᓯᓚᒃᖁᒌᒃᑯᑏᑦ;
- ᓇᐅᑐᐃᓐᓇᓄᑦ ᑎᒍᐃᓐᓇᐅᖏᑦᑐᖅ - ᐊᖏᕐᑕᐅᒪᔪᒧᑦ ᑭᓯᒥ;
- ᓇᐅᑐᐃᓐᓇᓄᑦ ᐊᑐᐃᓐᓇᐅᖏᑦᑐᖅ - ᐃᓄᒻᒧᐊᖓᑐᐊᕐᐸᑦ;
- ᐱᑦᑐᑦᓯᒪᐅᑎᓂᒃ ᖃᐅᔨᒪᒐᓱᐊᕈᑎᒃ ᖃᕆᑕᐅᔭᑎᒍᑦ;
- ᓱᒃᑯᑎᕆᔪᓐᓇᑐᓄᑦ ᐃᑌᔭᐅᒌᒃᑯᑎᓗ ᑲᑉᐲᑯᑕᓪᓗ;
- ᓱᒍᓐᓇᖏᕐᑑᑉ ᖃᕆᑕᐅᔭᐅᑉ ᐃᒻᒪᖃᐅᑎᖓ;
- ᐊᒻᒪᕈᑏᑦ ᐊᒻᒪᓗ ᐊᒻᒣᑲᓪᓚᑐᐃᓐᓇᖏᓪᓗᓂ ᐱᒋᐊᓪᓚᑖᕈᑏᑦ;
- ᑭᓇᑐᐃᓐᓇᓄᑦ ᐊᒻᒪᓯᑐᐃᓐᓇᕕᐅᒌᒃᑯᑏᑦ;
- ᐃᓪᓗᒧᑦ ᐃᑎᕈᑎᖏᑦ ᑭᑎᑦᔪᑏᑦ;
- ᑲᑉᐲᑯᑕᖏᑦ ᐱᓇᓱᒃᑏᑦ;
- ᐱᕋᔭᑕᐅᒌᒃᑯᑏᑦ ᐊᐅᓚᔫᓕᐅᕈᑏᑦ.
ᓱᓕᐅᒻᒥᔪᕐᓗ, ᑖᒃᑯᐊ ᒪᓕᒐᕗᑦ, ᐱᐅᓯᑦᓴᓕᐊᒍᓯᒪᔪᑦ ᐊᒻᒪᓗ ᐱᐅᓯᕐᓲᑏᑦ ᑕᒐ ᑭᓪᓕᖃᑦᓯᐊᑐᒥᒃ ᑐᑭᓯᔭᐅᑎᑌᑦ ᐱᓇᓱᒃᑎᑎᓐᓄᑦ ᐊᒻᒪᓗ ᖃᐅᔨᓂᐊᕐᕕᑎᓐᓄᑦ, ᐊᒻᒪᓗ ᑕᒐ ᖁᓚᕐᓇᖏᑦᑐᑯᑦ ᑌᒫᒃ ᓲᓱᒋᔭᐅᓗᑎᒃ ᐊᑐᕐᑕᐅᓯᐊᕐᓗᑎᓪᓗ.
ᐊᑐᕐᓂᖅ Google ᑯᑦ ᓱᒃᖁᐃᓯᑦᓯᐊᕈᑎᖏᓐᓂᒃ
ᓄᐃᑕᔨᐊᖏᑦ ᐃᓚᒌᓴᐅᑉ ᐊᑐᕐᑐᐃᑦ Google ᑯᑦ ᓱᒃᖁᐃᓯᑦᓯᐊᕋᓱᐊᕈᑎᖏᓐᓂᒃ, ᖃᕆᑕᐅᔭᓂ ᑕᑯᓇᓱᑦᑐᓂᒃ ᓇᐅᑦᓯᑑᑎᒥᒃ.
Google ᑯᑦ ᓱᒃᖁᐃᓯᑦᓯᐊᕈᑎᖏᑦ ᐊᑐᕐᑐᐃᑦ ‘’cookies’’ ᒥᒃ ᑲᑎᕐᓱᐃᒍᑎᒋᑦᓱᒍ ᖃᐅᔨᒪᐅᑎᓂᒃ ᐱᑦᓱᒍ ᖃᓄᑎᒋᒃ ᐊᑐᕐᒪᖔᕐᐱᐅᒃ ᑖᓐᓇ ᓄᐃᑕᑎᑕᐅᔪᖅ ᖃᕆᑕᐅᔭᑎᒍᑦ ᐅᓂᒃᑳᓯᐅᒐᖅ, ᑕᒪᓐᓇ ᐱᐅᓕᓂᐊᕐᑕᖅ ᑌᑲᓂ ᐊᒻᒪᑎᑦᓯᒍᑎᖃᕐᕕᒥ ᐊᒥᐊᔨᑲᓃᑦᑐᒥ. Google ᑯᑦ ᓄᒃᑎᕆᔪᓐᓴᒥᑦᓱᑎᒃ ᑕᒪᒃᑯᓂᖓ ᐱᓯᒪᔭᐅᔪᓂᒃ ᐱᖓᔪᐃᒥᓐᓄᑦ ᐱᒻᒥᔪᓄᑦ ᐱᔭᕆᐊᖃᕐᓂᒥᓄᑦ ᑌᒫᒃ ᐱᖁᔭᕐᓄᑦ, ᐊᒻᒪᓗᓘᓐᓃᑦ ᑌᑯᖓ ᐱᖓᔪᐃᒍᔪᓄᑦ ᑲᒪᔪᑦᓴᓄᑦ ᑕᒪᒃᑯᓂᖓ ᐱᒍᑦᔨᒍᑎᒋᓗᒍ Google ᑯᓐᓂᒃ.
ᑕᒪᒃᑯᐊ ᖃᐅᔨᒪᐅᑏᑦ ᑲᑎᕐᓱᓯᒪᔪᐃᑦ ᑕᒪᒃᑯᑎᒎᓇ ᓴᓇᕐᕈᑎᑎᒍᑦ ᐱᖃᓯᐅᑦᔨᓱᑎᒃ, ᐅᓂᑦᑕᕕᖃᓐᖏᑑᒍᓐᓇᒥᑦᓱᑎᓪᓗ ᒪᑯᓄᖓ: ᒪᑉᐱᒐᖏᓐᓂᒃ ᑕᑯᒐᓱᐊᕐᓯᒪᔭᕐᐱᑦ, ᐅᓪᓗᖓ, ᐃᑲᐅᕐᓂᖓ, ᓯᕕᑐᓂᖓ ᐊᒻᒪᓗ ᖃᖓᑕᒫᑦ ᑕᑯᒐᓱᐊᕐᓂᑎᑦ, ᐊᒻᒪᓗ ᐱᑐᒃᕕᓴᕐᒧᑦ ᓇᕐᓃᖃᑦᑕᓂᑎᑦ, ᖃᕆᑕᐅᔭᕈᑎᑉᐱᑦ ᐃᖏᕐᕋᕈᓯᖏᑦ ᖃᓄᐃᑦᑑᒪᖔᑕ ᐊᒻᒪᓗ ᐅᖃᐅᓯᖏᑦ, ᐊᑎᖓ ᐊᒻᒪᒍᑎᑉᐱᑦ ᖃᕆᑕᐅᔭᕈᑎᓄᑦ ᐱᑦᑕᕕᖓ ᐊᒻᒪᓗ ᓄᓇᒥ ᓇᔪᕐᑕᖓ (ᓇᓂ). IP ᑐᕌᕈᑏᑦ ᑲᑎᕐᓱᐊᓅᒃᖃᑕᐅᒻᒥᔪᖅ, ᑭᓯᒥᓗ ᑭᓇᐅᓂᓕᕆᓇᓂ ᐊᑎᒃᑯᑦ (ᓯᕕᑭᓪᓕᑎᕐᑐᖅ) ᖁᓚᕐᓇᖏᑦᑐᑯᑦ ᐃᕐᐸᑐᑦᓴᐅᖏᑦᑐᑦ ᐱᑦᓱᒋᑦ ᐃᓕᓐᓄᐊᖓᔪᐃᑦ. ᑭᓇᐅᓂᖓᓂᒃ ᓄᐃᑕᑎᑦᓯᖏᑦᑐᖅ IP ᑐᕌᕈᑎᖓ ᐅᖑᒪᐅᑎ ᑕᒪᑐᒥᖓ ᑭᓇᐅᓂᖓᑕ ᐊᑐᕐᑑᑉ ᖃᐅᔨᔭᐅᖁᓇᒍ.
Google ᑯᑦ ᐊᑐᕐᑐᐃᑦ ᑲᑎᕐᓱᐊᕕᓂᕐᓂᒃ ᖃᐅᔨᒪᔭᐅᓕᕐᑐᓂᒃ ᐱᑦᔪᑎᑐᐊᖃᕐᓱᑎᒃ ᓄᐃᑦᓯᒋᐊᒥᒃ ᓈᓴᐅᑎᑎᒍᑦ ᐱᔪᓂᒃ ᐊᒻᒪᓗ ᑐᓴᕐᑎᓯᐅᑎᓕᐅᕐᓱᑎᒃ ᕿᒥᕐᕈᔭᐅᓂᖏᓐᓂᒃ ᑖᑦᓱᒪ ᐅᓂᒃᑳᓯᐅᒐᐅᑉ, ᑕᒪᓐᓇᓗ ᐱᒍᓐᓇᓰᑦᓱᓂ ᑲᕙᒪᒃᑯᓄᑦ ᐋᒃᖀᒋᐊᑦᓯᐊᕆᓂᕐᒥᒃ ᐃᑯᒪᐅᑎᒨᕐᑐᓂᒃ ᐱᔨᑦᓯᐅᑎᐅᑉ ᐱᑕᖃᕐᑎᑕᐅᒍᑎᖓᓂᒃ. ᓱᓇᒨᒐᓗᐊᕐᐸᑦ Google ᑯᑦ ᐱᑐᑦᑎᓯᓂᐊᕋᓂ ᖃᐅᔨᒪᐅᑎᓂᒃ ᑲᑎᕐᓱᐊᓂᒃ ᑖᑦᓱᒪᓂ ᑕᑯᒋᐊᕐᕕᓴᒥ ᐊᓯᐊᓄᑦ ᑲᑎᕐᓱᐃᕕᐅᔪᒧᑦ ᑲᒪᒋᔭᖏᓐᓄᑦ Google ᑯᑦ.
ᖃᐅᔨᔭᐅᑎᑦᓯᖃᑦᑕᕿᑖ ᖃᐅᔨᓯᒪᓕᕐᑕᑎᓐᓂᒃ ᐱᖓᔪᐃᖏᓐᓄᑦ ᐱᒻᒥᔪᓄᑦ?
ᐃᓚᒌᓴᖅ ᓂᐅᕐᕈᓯᓲᒍᓐᖏᑐᖅ, ᑕᐅᕐᓰᒍᑎᖃᓲᒍᓐᖏᑐᖅ ᓄᒃᑎᑎᕆᓲᒍᑦᔭᒥᓇᓂᓗ ᐃᓕᓐᓄᐊᖓᔪᓂᒃ ᓇᒻᒥᓂᕐᓄᑦ ᐃᓕᖓᔪᓂᒃ ᐱᖓᔪᐃᒋᔭᐅᔪᓄᑦ. ᖃᐅᔨᔭᐅᑎᑦᓯᒍᓐᓇᑑᒐᓗᐊᖅ ᐃᓕᓐᓄᐊᖓᔪᓂᒃ ᑕᑎᑕᕆᔪᓐᓇᑕᑦᑎᓄᑦ ᑮᓇᐅᔭᓕᐅᕋᓱᐊᕐᓂᒧᑦ ᐱᓇᓱᐊᖃᑎᓐᓄᑦ ᐱᔭᕆᐊᖃᕐᐸᑦ ᐱᔭᐅᖁᓪᓗᒋᑦ ᐱᔨᑦᓯᐅᑎᕗᑦ ᐊᖏᖃᑎᒌᒍᑎᑦᑎᓄᑦ ᐃᓕᓐᓂᒃ, ᐊᖏᕐᓯᒪᓚᐅᕐᐸᑕ ᐱᓯᒪᑦᓯᐊᓂᐊᕐᓗᑎᒃ ᐱᔭᒥᓂᒃ ᐃᕐᐸᑐᑦᓴᐅᖏᓐᓂᖏᓐᓂᒃ.
ᐱᖓᔪᐃᖏᑦᑕ ᐱᑐᑦᑕᕕᖏᑦ
ᓄᐃᑕᔨᐊᖅ ᐅᓂᒃᑳᓯᐅᒐᑦᓴᖏᓐᓂᒃ ᐃᓚᒌᓴᐅᑉ ᐱᑕᖃᓯᓐᓇᖅ ᐱᑐᒃᕕᐅᒍᓐᓇᑐᓂᒃ ᐱᖓᔪᐃᓄᑦ ᑕᑯᒋᐊᕋᑦᓴᓄᑦ. ᐅᖑᒪᐅᑎᓄᑦ ᒪᓕᒐᕗᑦ ᐱᑐᑦᓯᒪᓐᖏᓗᑐᕐᑐᖅ ᑌᑦᓱᒧᖓ ᐱᖓᔪᐃᒍᓂᕋᕐᑕᒧᑦ ᐅᓂᒃᑳᓯᐅᒐᑦᓴᓂᒃ ᓄᐃᑕᑎᑦᓯᕕᒻᒧᑦ.
ᒪᓕᑦᑕᐅᖁᔭᐅᓯᒪᔪᐃᑦ ᐱᑦᓱᒍ ᑲᒃᑲᓛᑦ ᐅᖑᒪᐅᑎᓄᑦ ᓴᐳᑎᔭᐅᓂᖓ ᐱᖁᔭᖅ
ᐃᓚᒌᓴᖅ ᑲᒪᕗᖅ ᒪᓕᑦᓱᒍ ᑖᒃᑯᓄᖓ COPPA ᒧᑦ. ᐅᓂᒃᑳᓯᐅᒐᖃᕐᕕᕗᑦ ᐃᓕᖓᑎᑕᕗᑦ ᐃᓄᓐᓄᑦ ᐅᑭᐅᓕᓐᓄᑦ 13 ᒥᑦ ᐱᒋᐊᕐᑐᓂᑦ ᑭᖑᓂᓕᒫᖏᓐᓄᓗ.
ᐊᖏᕈᑏᑦ ᐃᒃᕕᑦ ᑭᓪᓕᖃᕈᑎᒥᒃ
ᐊᑐᕐᓂᓯᓐᓄᑦ ᓄᐃᑕᔨᐊᑦᑎᓂᒃ, ᐊᖏᕐᑐᑎᑦ ᑖᒃᑯᓄᖓ ᐅᖑᒪᐅᑎᑦᑎᓄᑦ ᒪᓕᒐᑦᑎᓂᒃ. ᓄᑕᐅᓪᓕᑐᐃᒍᓐᓇᓱᑎᑦ ᐊᑐᕈᒪᔭᕐᓱᕈᑎᓐᓂᒃ ᐅᒃᕙᓘᓐᓃᑦ ᑎᑭᑕᐅᑦᑕᕈᒣᕈᓐᓇᓂᕋᕐᒥᓱᑎᑦ ᑐᓴᒐᑦᓴᓕᐊᑦᑎᓄᑦ ᖃᖓᑐᐃᓐᓇᓕᒫᒃᑯᑦ ᐅᕙᓂ ᑕᒐ XXXXXXXXXXXXXX
ᑭᓪᓕᖃᕐᑐᓄᑦ ᐱᓇᓱᒐᑦᓴᓂᒃ ᐊᑐᐃᓐᓇᐅᑎᑦᓯᒍᑎᑦᑎᓄᑦ ᐊᒻᒪᓗ ᕿᓂᕈᑕᐅᓐᖏᑑᒐᓗᐊᓂᒃ ᐃᓕᒐᓱᐊᕈᑕᐅᔪᓄᑦ
ᐱᐅᓕᓂᐊᓲᒍᔪᒍᑦ ᐱᓇᓱᒐᕐᑖᕋᓱᐊᕈᑕᐅᔪᓂᒃ ᐊᓪᓚᖁᑎᓂᒃ (ᐱᓇᓱᑦᓯᒪᓂᕐᒥᓂᒃ, ᓯᓚᑎᖓ ᐊᓪᓚᓯᒪᔪᑦ, ᐊᓯᖏᓐᓂᓗ) ᓯᕕᑐᓂᖃᕐᑐᒥᒃ ᐅᑭᐅᓂ ᐱᖓᓱᓂ. ᐊᓪᓚᖁᑏᑦ ᑌᒪ ᖃᓄᑐᐃᓐᓈᕈᑎᒋᓇᒋᑦ ᐃᒋᑦᑐᓕᐊᒍᑦᓱᑎᒃ.
ᐊᓯᑦᔨᑐᕐᑐᐃᑦ ᑕᒪᑐᒪ ᐅᖑᒪᐅᑎᓂᒃ ᒪᓕᒐᐅᑉ
ᐃᓚᒌᓴᖅ ᐱᒍᓐᓇᐅᑎᓕᒃ ᐊᓯᑦᔨᑐᐃᓗᓂ ᑖᑦᓱᒥᖓ ᐅᖑᒪᐅᑎᓄᑦ ᒪᓕᒐᕐᒥᒃ ᐊᒻᒪᓗ ᑕᒪᑐᒧᖓ ᐃᓕᖓᔪᓂᒃ ᐱᐅᓯᑦᓴᓕᐊᒍᓯᒪᔪᓂᒃ ᖃᖓᑐᐃᓐᓇᑯᑦ ᖃᐅᔨᑎᕆᐅᑎᒋᓇᒍᓘᓐᓃᑦ. ᐊᓯᑦᔨᑐᐃᑦ ᓄᐃᑎᑕᐅᒐᔭᕐᑐᐃᑦ ᑖᑦᓱᒪᓂ ᐅᓂᒃᑳᓯᐅᒐᖃᕐᕕᒥ ᐊᒻᒪᓗ ᐊᑐᓕᕐᑎᑕᐅᓗᑎᒃ ᑌᑰᓇ ᓄᐃᑎᑕᐅᕕᒻᒥᒍᑦ. ᐊᑐᕐᓂᑎᑦ ᑖᑦᓱᒥᖓ ᓄᐃᑕᑎᑕᐅᔪᒥᒃ ᑭᖑᓂᖓᓂ ᑌᒣᓕᓐᓂᕈᑎᒃ ᐊᓯᑦᔨᑐᐃᓗᑎᒃ ᓴᖅᕿᑎᑦᓯᔪᑦ ᐊᖏᕈᑎᓐᓂᒃ ᒪᓕᒋᐊᖃᕐᓂᐊᑕᕐᓂᒃ ᑖᑦᓱᒧᖓ ᒪᓕᒐᐅᔪᒧᑦ ᑌᒫᒃ ᐋᒃᕿᒋᐊᕐᑕᐅᒪᑦ ᐋᒃᕿᒋᐊᕈᑕᐅᔪᒧᓪᓘᓃᑦ. ᑕᒪᓐᓇ ᐱᑦᓱᒍ, ᑲᔪᖏᕐᓴᐸᑦᑎᒋᑦ ᕿᒥᕐᕈᖁᑦᓱᑎᑦ ᑖᑦᓱᒥᖓ ᒪᓕᒐᕐᒥᒃ ᐊᑐᕐᓂᑕᒫᑦ ᑖᑦᓱᒥᖓ ᐅᓂᒃᑳᓯᐅᒐᑦᓴᒥᒃ, ᓱᒐᓗᑦᑐᖅ ᑌᑯᓐᙰᑐᐊᕈᕕᑦ ᓇᒻᒥᓂᕐᓄᐊᖓᔪᓂᒃ.
ᑖᓐᓇ ᐅᖑᒪᐅᑎᒃ ᒪᓕᒐᖅ ᐋᒃᕿᒋᐊᕐᑕᐅᓱᖓᕐᑐᕕᓂᖅ ᐅᕙᓂ ᐅᓪᓗᒥᓪᓗᒥ.
ᖃᐅᔨᑦᓴᕈᕐᕕᒋᑎᒍᑦ
ᐊᐱᒃᖁᑎᑦᓴᖃᕐᑐᓄᑦ ᖃᓄᑐᐃᓐᓇᖅ ᐱᑦᓱᒍ ᐅᖑᒪᐅᑎᑦᑕ ᒪᓕᒐᖓ, ᖃᐅᔨᑦᓴᕈᕐᕕᒋᔪᓐᓇᐸᑦᑎᒍᑦ ᑕᑲᒃᑯᐊ ᐊᑐᕐᓗᒋᑦ.
ᐅᖑᒪᔭᐅᒋᐊᓕᓐᓄᑦ ᑲᔪᓯᒃᑫᔨ
ᐊᐱᖅᖁᑎᑦᓴᖃᑐᐊᕈᕕᑦ, ᐃᓱᒪᒋᔭᐅᒋᐊᖃᕐᑐᕆᑦᓯᐅᑎᓐᓂᒃ ᐅᓐᓂᓗᒍᑎᑦᓴᓂᓪᓘᓃᑦ ᐊᐅᓚᑕᐅᓂᖏᓐᓂᒃ ᐃᓕᓐᓄᐊᖓᔪᐃᑦ ᐱᑦᓱᒋᑦ, ᑭᓪᓕᖃᕈᓐᓇᐳᑎᑦ ᐅᖑᒪᔭᐅᒋᐊᓕᓐᓄᑦ ᑲᔪᓯᒃᑫᔨᒧᑦ ᖃᕆᑕᐅᔭᑎᒍᑦ ᐊᓪᓚᑲᑦᑕᐅᑎᕕᓐᓂ ᐃᑯᖓ ᑕᒐ confidentialite@fcnq.ca
ᐊᓪᓚᕕᒋᑐᐊᕈᑦᑎᒍᑦ ᒪᑯᐊᑕᒐ ᐊᑕᒋᐊᓖᑦ ᐊᑏᑦ ᐊᒻᒪᓗ ᖃᓄᖅ ᑭᐅᔭᐅᒍᓐᓇᒪᖔᕐᐱᑦ ᖃᐅᔨᒪᐅᑎᑦᓴᓂᒃ, ᓱᓇᒥᓪᓗ ᐊᐱᕐᓲᑎᖃᕐᒪᖔᕐᐱᑦ, ᐊᑎᖓ ᐊᓪᓚᕕᖃᕐᕕᐱᑦ ᐅᒃᕙᓗᓘᓐᓃᑦ ᐃᓄᑦᑕᖓ ᑌᓐᓇ ᖃᐅᔨᒋᐊᕐᕕᒋᓯᒪᓕᕇᕐᑕᐱᑦ, ᐊᒻᒪᓗ ᐊᓯᒋᒻᒥᔭᖏᓐᓂᒃ ᑐᑭᓯᔭᐅᒍᑎᑦᓴᓂᒃ.